歌手駱胤鳴出席微電影音樂篇支援計劃活動，身形暴脹的她甫見傳媒即否認有喜，笑言只是幸福肥，因結婚大半年，日日於家中煮飯仔，結果夫婦二人齊齊肥10磅：「個個都問我係咪有咗，其實我冇諗過生小朋友，自己成個細路咁，老公亦唔想，但好多人叫我生，媽咪有催，但奶奶話叫我決定，同埋唔會幫手湊，媽咪想湊孫，我叫佢湊住啲貓先。（唔生將來後悔？）到時可以領養，我啲貓都係領養。」
安俊豪則透露與歌手陳蕾同於10月29日生日，羨慕對方開生日演唱會，欲效法對方明年生日開騷，更指已向偶像吳浩康發出邀請，望屆時對方能擔任嘉賓：「希望可以一齊玩吓音樂，1年前講定，佢暫時都話OK。」
東網網站 : https://on.cc/東網Facebook專頁 : https://www.facebook.com/onccnews/
