叫林允老竇做爸爸　王大陸公開戀情？

內地女星林允同台灣男星王大陸因合拍《一吻定情》而傳出戲假情真，雖然緋聞未停過，但係無阻佢哋之間嘅互動，早前仲不避嫌一齊上綜藝節目，林允親自下廚整咗四餸一湯畀王大陸品嘗！呢日王大陸喺微博發文：「@林允Jelly 跟爸爸說！要戴口罩！照顧好自己啊！」佢竟然公開叫林允老竇做爸爸，好多人都覺得佢喺想公開情侶關係，轉個頭就成為熱討話題，王大陸見到勢色唔對，火速澄清指喺綜藝節目入面叫林允做「大姐」，所以先會跟住叫林允老竇做「爸爸」，查實林允比王大陸細五歲，佢哋嘅真正關係應該係「兄妹」先啱數。

東網網站 : https://on.cc/

東網Facebook專頁 : https://www.facebook.com/onccnews/