Lam重拾57年前給媽咪的家書，勾起母子間無限回憶。
無綫特備節目《看見家書》，將於10月1日及8日晚播出，請來7位來自各階層的人物，從傳承、連繫、改變及認同四方面，現身說法回歸祖國後，如何秉持上述理念，為香港未來發展再開新篇章。周六晚（10月1日）播出的第一集，打頭陣出場兩位嘉賓，是林子祥（Lam）及蕭凱恩。
Lam母親近日因病入院，當他為99歲母親執屋時，竟然發現自己16歲時，在香港寫給遠在美國生活母親的信。信中Lam提到跟弟弟在香港的生活很好，與及父親林達志的近況，又話好開心收到媽咪寄過來的書包。但字裏行間仍難掩對母親的思念，他叮囑母親工作不要太辛勞，更不要擔心兩兄弟。
Lam 16歲時字跡好靚。
事隔57年，Lam再次執筆寫信給母親時，笑言為她執屋時，見到一屋都是「垃圾」，話「執極都有」。Lam講到自小同細佬已經覺得媽咪好前衛、有型，不但識跳舞，又跟師傅學瑜伽。信中提到Lam細細個就被媽咪帶去睇貓王的戲及聽他的音樂，未夠10歲的Lam就扮貓王唱歌，種下對音樂的狂熱，奠定日後歌唱事業的基礎。
媽媽近日因病住院，Lam祝媽媽早日康復。
Lam又同媽咪講到近日一件事，因為一批印有「西醫林達志」的玻璃藥水樽，令林德信（Alex）跟爺爺連繫起來。原來Lam爹哋是一名西醫，在元朗執業，Lam話︰「媽咪，我話俾你聽，喺元朗廢屋度，有人搵到啲好特別嘅嘢，搵到爹哋嘅藥樽，唔知佢點知，所以Alex就聯絡到佢，攞到呢個樽。」Lam答應媽咪，會帶這個樽給她看。Lam特別提到在外國住了很長時間，最終都返回香港，因為這處有許多美麗回憶，屬於自己的家。
一個玻璃藥水樽，奇妙地連繫爺孫兩代。
至於蕭凱恩在給爸爸的家書中，她提到問過父親「睇唔到嘢係咪代表冇用㗎？」蕭爸爸堅決而肯定的表示︰「只要努力，亦都可以貢獻社會。」她又記得報名天才表演節目時，蕭爸爸又話「中國人就梗係參加中國版啦。」失明是不幸，但蕭凱恩慶幸一路以來有父母同行，從搵音樂老師到找點字樂譜等。今年蕭凱恩參與香港特區成立25周年主題曲《前》的演唱，她話會好似歌詞一樣「把握機遇，邁步向前」。
在音樂及人生路上，蕭凱恩一直都有父母同行。
