周嘉洛「中招」瘦10磅　聞JW分手：尊重好友決定

藝人周嘉洛昨日為無綫新劇《武林》開工，場口講述周嘉洛為救被擄走的單戀對象，不惜赤手空拳以一敵十，上演一幕英雄救美。談到劇中有大量打鬥場面，他直呼過癮：「我一路都想拍真係打嘅動作戲，今次終於試到，好開心！我嘅角色係由一個完全唔識打嘅小伙子，慢慢學識武功。」

他表示事前除了公司的動作班，亦自行找朋友操練，雖然日操夜操，但笑言不及一場流感有效：「人生第一次乙型流感，嗰幾日直頭『齋寢唔餐』，即刻瘦咗10磅，瘦咗上鏡啲嘛！」他表示新劇以外景多，天氣翳焗加上動作連場，但全不感到辛苦，認為絕對值得，因劇中有機會舞刀弄劍，而且穿插着不同的友情、親情及首次演單戀戲，令他過足戲癮。問到他近年劇接劇會否太忙冇時間識女仔？他笑謂不用特別想，緣分要來就自然會來。

另提到其好友王灝兒（JW）宣布分手一事，他表示對方近來較忙故少聯絡，問到會否戥對方感可惜？他說：「我嘅想法唔重要，最重要係佢哋點諗。」

東網網站 : https://on.cc/東網Facebook專頁 : https://www.facebook.com/onccnews/