必試潮州生醃！港島潮州菜主打高質手工菜｜鰂魚涌｜陳儀興尚潮樓

生醃海鮮黎講，雖然好多人鐘意食韓國醬油蟹，但全世界最好食嘅，認真一定係潮州生醃，剩係果隻惹味辣汁，已經夠送成碗飯，真係要擺封面引大家。

呢間嘅總店本身超過60年歷史，可能好多朋友都聽過，但佢地呢間港島店就主打高質手工菜，將最刁鑽最精緻嘅都擺哂係到，唔少出邊都係搵唔到。

-
🦀生醃膏蟹 ($688)
用上超爆膏嘅靚膏蟹，用極惹味嘅辣汁生醃，啖啖鮮濃到極，真係食到上哂癮，如果嗌埋其他菜式，一份都夠3-4人Share。

🦐潮式蝦蟹雙棗 ($188)
🥓鵝三寶 - 鵝肉、鵝肝、鵝腸 ($298)
超水準又經典嘅潮州菜式，前者滷水濃香，汕頭嘅獅頭鵝肉軟嫩，鵝肝更加係肥美，鵝腸更加係少有地靚，後者蝦棗拼蟹棗，足料打起真係外脆內鮮。

🍲清燉荷包鱔 ($118)
🍗鴿吞魚翅 ($588)
而呢兩道超考功夫嘅手工菜，出邊真係幾乎絕跡，前者用荷葉包上新鮮白鱔，用鮮甜高湯燉起，後者仲痴線，將魚翅慢慢釀入嫩鴿，湯頭仲非常鮮甜。

🥘梅汁鱔球 ($298)
🥗厚菇芥菜煲 ($128)
🍠反沙芋 ($108)
仲有唔少地道潮州菜，望落簡單但功架十足，例如反沙芋咁，呢間真係啱啱好外脆內軟，甜中又帶芋頭濃香，已經好少潮州菜做到咁靚。

-
陳儀興尚潮樓 @chanyeehingsheungchiulau
🗺️鰂魚涌英皇道1001號7樓1號舖
📞6188 3229 / 2688 0188

生活