屯門臨海屋苑邁亞美海灣，一伙附有露台的高層海景戶，屬屋苑罕有放盤，但因連租約放售，不設睇樓，放賣半年一直無人問津，惟單位近日交吉不足半個月即沽出，呎價唔使1萬元。
祥益地產執行董事盤嘉茵表示，最新促成邁亞美海灣4座高層B室成交，實用面積643方呎，單位於今年1月以730萬元連租約放盤，期間業主雖曾多次調低叫價，但因有租客居住，未能安排睇樓，故一直乏人問津。直至6月下旬，單位租約期滿交吉，旋即吸引多枱客人參觀睇樓，最後交吉不足兩星期，便獲同區用家承接。
睇樓逾40個盤 鍾情有露台望全海
她指出，該新買家前後已參觀逾40個放盤，鍾情上址單位為海景露台戶，盤源矜貴，享有無敵海景，十分吸引，遂以638萬元承接上址自住，以實用面積計，平均呎價9,922元。據悉，原業主於2015年以約575萬購入上述單位，持貨9年至今轉手，帳面獲利約63萬元，升值約一成。
原文刊登於 AM730
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)
留言 0