【有片】張敬軒演唱會補場4度Encore！男團式跳唱全場起閧

張敬軒去年12月因確診被迫腰斬其演唱會，今年大會順勢加場，令總場數增加至17場。今次加場及補場演出，張敬軒與團隊特別調整歌單，除了轉換部分曲目，更加添了新衫。昨晚（6月5日）第一場加場演唱會，軒仔與16位舞蹈員載歌載舞演繹了〈Deadline〉、〈Sweet Escape〉及〈Stop The Time〉3首快歌。

軒仔跟觀眾道歉，說道：「我有種精神分裂嘅感覺，唔知係12月定6月，睇返個舞台、Setup，好似發咗場夢。喺舊年12月26日，我第一次體驗有BB（確診）感覺，驗到兩條線出嚟，當然有BB一樣，有人歡喜有人愁，而我就感到失落同擔心，好擔心觀眾失望，因為好多人睇完Show就移民、讀書，亦有人特登飛返嚟結果白行一趟，如受到影響，對唔住，令大家添麻煩。」

道歉過後，軒仔繼續道出確診後的心情，笑說：「因為呢個病，我瞓咗兩個月，我屋企有位長輩，佢喺醫生度攞咗啲專開俾啲中老年人中咗Covid嘅特效藥，佢話：『我今晚漏夜攞俾你，你快啲食咗佢先！呢隻藥係專為中老年人而設嘅！我哋老人家食咗都好安全㗎。』我諗住食完可以冇事新年開返Show，但一啲用都冇，我都放心啲，因為我唔屬於中老年人！」引得全場大笑。

軒仔以鋼琴自彈自唱的〈靈魂相認〉及〈遙吻〉後，又以「男團」跳唱形式演出，笑言要押上自己的演藝事業，他與一眾男舞者邊起舞邊向觀眾瘋狂派心，唱出甜到漏的〈懷舊情人〉和〈無城有愛〉，全場觀眾一齊起閧。

到了Encore的部分，軒仔談及今年3月在英國舉行《The Prime Classics Hins Live in London 張敬軒倫敦演唱會》期間製作了新曲，說罷獻唱出〈隱形遊樂場〉，配合煙花瀑布、大銀幕的影像，觀眾彷彿瞬間進入MV拍攝現場。

在唱過國語歌〈無能為力〉及〈雪花抄〉後，首場演出本已圓滿結束，但歌迷的熱情，令軒仔先後Encore了4次，最後再唱出歌單中未有準備的〈青春常駐〉、〈預言書〉及〈我的天〉後，首場才告結束。