英皇歌手泳兒（Vincy）日前推出的歌曲《早上37.2度》獲得五台冠軍，包括：香港電台中文歌曲龍虎榜、叱咤903專業推介、新城勁爆本地榜、ViuTV Chill Club推介榜及無綫勁歌金榜，是她繼《溝渠暢泳》後，第2首「五台冠軍歌」。
成為繼鄭欣宜之後，第2位獲得2首「五台冠軍歌」的女歌手的泳兒坦言感動，同時亦喜出望外：「多謝大家喜愛同支持呢隻歌。因為呢隻歌都係我新嘅音樂企劃第1首主打，亦都係將暗黑嘅一個元素隱藏咗喺裏面，係1首比較溫暖少少嘅歌，首歌得到大家嘅支持，非常之感恩。」
她笑言沒想過過了「上半生」可以擁有第2首「五台冠軍歌」:「呢個禮物係大家畀我嘅，令到我繼續努力再繼續行，只要唔放棄嘅話，就會搵到自己條路。」 她更透露今個星期將會推出全新歌曲，「好快就會出下一隻歌，風格同《早上37.2度》好有分別，準備咗好耐，因為有舞蹈嘅元素，希望大家會鍾意。」
東網網站 : https://on.cc/東網Facebook專頁 : https://www.facebook.com/onccnews/