《萬千星輝頒獎典禮2024》今晚在澳門舉行，麥美恩穿上貼身低胸晚裝與馮盈盈、陳懿德一同現身騷前紅地氈環節。有份角逐「最佳女主持」的她跟曾傳緋聞的紅地氈司儀許文軒chit chat時反客為主，問許文軒作為「最佳男主持」大熱的心情可緊張。麥美恩接着說︰「如果許文軒攞最佳男主持，我喺台上有好重要嘅事項要宣布﹗」
現場眾人即場起哄，麥美恩隨即從右手中指除下戒指及說︰「我準備咗㗎喇﹗」眾人包括許文軒也「嘩」了出聲。麥美恩對許文軒說︰「你嘅size嚟㗎﹗大家拭目以待﹗」許文軒問︰「你喺邊度搵番嚟㗎？」麥美恩未有理會及繼續說︰「記者朋友幫幫手，放大個標題，麥美恩有下半生重要事項要宣布﹗」
許文軒尷尬地笑着道︰「你問我緊唔緊張，我依家就感受到緊張啦﹗」麥美恩推推他說︰「你行開啦，你畀番個位德德（陳懿德）啦﹗」許文軒之後說︰「究竟我攞獎定唔攞獎好？佢隻戒指邊度搵？我都唔知道，可能係贊助嘅。」
（即時娛樂）
留言 0