久未露面的張耀揚今晚（19日）聯同李子雄亮相台慶頒獎禮，頒發「飛躍進男﹑女藝員」，人稱「烏鴉」的張耀揚一頭白髮，自嘲「白鴿」：「我好耐冇同人打招呼，我冇做『烏鴉哥』好耐，𠵱家係白鴿，好和平，有啲緊張，10幾年冇喺熒幕出現，不過要多謝志偉。」
阮浩棕膺「飛躍進步男藝員」，他上台激動哽咽感謝已離世嫲嫲「上等人」梁舜燕，他說；「多謝每一位愛我及我愛嘅人，多謝我爸爸，多謝你一直用最嚴厲眼光角度，去看待我演角色，我先會尋求進步，好想得到你認同，多謝媽媽無條件支持，就算兒童節目都睇我演出，多謝哥哥做屋企支柱，令我呢個不成材細佬，可以放心追夢，仲有入行以來首個獎項獻畀天上嫲嫲梁舜燕，你喺度時候成日讚我做得好，但我冇接受到，因為我唔值得我未配，到今日獲得入行以來首個認同，但我聽唔到你嘅聲音，我會秉承你敬業樂業精神繼續努力，只要我做好，大家都會記得上等人。」陳曉華則大熱捧走「飛躍進步女藝員」，同樣激動落淚。
（即時娛樂）
留言 0