李幸倪（Gin Lee）雖然已落實約滿環球後離開，但她近日依然積極為新歌《剛好》宣傳，未有鬆懈，日前Gin Lee接受TVB娛樂新聞台節目《StarTalk》，主播許文軒的專訪。入行多年，Gin Lee坦言：「其實都擔心樽頸，怕Fans會悶，所以自己一直求變，呢幾年花咗好多時間同心機鞏固抒情歌部份，形象都好鮮明，所以依家係有多啲嘅自由度試其他嘢，嚟緊推出嘅大碟，大家會見到多啲節奏感嘅Gin Lee。」
受新冠疫情影響下，Gin Lee已有3年未見家人：「以前每逢過年自己一定請假返去馬來西亞或者帶屋企人去旅行，已經變成我哋屋企嘅傳統。但呢3年嘅團年飯都係隔住個屏幕食，我同家姐仲有媽咪喺三個唔同嘅地方，我哋開住三個鏡頭，問吓佢哋食啲咩，我有影吓自己食咩，真係食到眼濕濕，但係我忍住唔想喊，覺得大家健康、安好已經好感恩。」
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
