張敬軒昨晚（7日）為西九《春浪音樂節》香港站尾場擔任表演嘉賓。張敬軒表示之前休息了個多月，上月開始復工，但他一休息就病倒，他說：「為錄音室搬運器材時閃腰，可能少用，𠵱家操番覺得自己仲勁咗，可以搬更重嘅嘢。」
他透露除開始為新歌錄音，亦開始進修，報讀為期3年網上行政管理課程，他說：「要增值自己，我好有危機感，好似學多樣嘢有多啲安全感，行內有好多大學畢業，睇香港小姐已經學歷好高，自己當年讀書考唔到大學，都係一個遺憾，但唔想再搞生意，見過鬼怕黑，其實我有個習慣，間中會睇求職廣告，做呢行唔係『老奉』受歡迎，睇睇自己有乜嘢可以做。」他認為轉職物流、餐廳都無問題，不過小時曾想過做酒店禮賓部，因為擅長應付難搞的人。
（即時娛樂）
