湯怡回應婚變傳聞　自薦做洗碗工養家

原來只係誤會一場。

湯怡自薦想兼職做洗碗工。

藝人湯怡昨晚突然出甫爆seed：「合則來，不合則去，不會強求，也不會挽留，來來去去，最好的會留在身邊。」令網民猜測她與星級排舞師老公麥秋成婚姻亮起紅燈，今日湯怡以代言人身份出席活動，全程笑容滿面，與同場的鄭啟泰亦有說有笑，

疑似婚變一事，湯怡表示網民會錯意，只是旗下的餅店請不到員工而大吐苦水，發現有網民留下激烈留言，才察覺不對勁，她笑說：「唔係婚變，日日屋企都好開心，我個世界唔係得麥秋成一個，我講緊餅店請人好難，呢幾個月出出入入5、6個員工，點知鬧出婚姻危機，有同老公講番，佢都想過留言平息風波。」

她說收到不少同事和好姊妹傳訊息慰問，家人就沒有，日後會再小心點。問會否上載老公合照澄清傳聞，她表示經常都會放合照，老公就無叫她小心說話，只關心Cosplay造型的照片：「張相幾年前，想揀張配合心情的相，點知變圖文不符。」

對於餅店持續缺人，自己要一腳踢，老公都有幫手，亦會畀意見，談到有食肆以3萬元聘請洗碗工，湯怡碌大眼睛，笑謂想自薦去兼職洗碗。

娛樂