鄭中基發聲明後首現身　澳門演唱會最後大合唱：唔想大家慘住離場

鄭中基早前發聲明，先是指經理人何慶湘「工作及道德操守有問題」而終止合作關係，之後再表示自己因為情緒問題，宣佈完成澳門及九月高雄演唱會後將休息一段時間，指自己患上抑鬱症及藉飲酒逃避現實，太太余思敏會陪他到美國接受戒酒療程。而昨晚澳門演唱會如期舉行，鄭中基全程表現專業。

演唱會上鄭中基先多謝歌迷：「想你哋知道，無論點樣都好，因為有你哋嘅支持，我先可以喺度唱歌。多謝你哋。」之後就笑著問：「我相信好多人認識我啦？咁我想問有冇人唔係聽我啲歌識我，而係睇戲識我㗎！」歌迷大叫有之後，他就唱出〈許願樹〉、〈猛龍特警隊〉等電影歌曲。
Encore部份他請現場歌迷大合唱〈無賴〉，之後說：「我想再次喺度多謝大家，今日嚟支持我。我嘅歌迷都知道我好多歌都好慘㗎！另外我有朋友同我講，你將最勁最grand嘅歌擺最尾！咁但係嗰啲歌都好慘，我唔想大家慘住離場，所以今晚最後一首歌，我哋唔賣慘，我〈My Only One〉。」