洪永城孖楊潮凱練馬拉松　梁諾妍自嘲「電燈膽」

藝人洪永城（Tony）與楊潮凱老友鬼鬼，兩個麻甩佬經常相約在將軍澳海濱跑步，而洪永城老婆梁諾妍也有一齊跑，但就自嘲是「電燈膽」阻住兩人。近日潮凱在社交網分享「斷背」相笑說：「今日跑完十公里，個背有啲斷斷哋…」梁諾妍則留言說：「我鍾意有『燈飾』嗰張。」

而Tony亦在社交網分享跑步相，還大爆陷入「肥壯群組」的老友竟然打算與他們一起參加神戶馬拉松，不過見潮凱除了跑得相當辛苦，上氣不接下氣，近期身形亦明顯發脹，令人擔憂他能否應付全馬賽事，Tony說：「呢條友都真係有啲喪，作為一個以肌肉見稱，肥壯嘅群組，人生佢話好似最多跑過半馬，仲要係掹車邊半條人命完成，得返兩個月時間，就話同我哋跑神戶馬拉松。大家祝佢好運，有冇咩同佢講？」黃翠如與蔣祖曼則留言打氣支持潮凱，蔣祖曼說：「佢一定得O架，毅力凱！」

東網網站 : https://on.cc/東網Facebook專頁 : https://www.facebook.com/onccnews/