一連4場嘅《《聲.夢飛行FIRST LIVE ON STAGE》》圓滿結束, 鍾柔美(Yumi)與姚焯菲(Chantel)、炎明熹(Gigi)共15位學員台前表演精彩,但台後一樣好多fun。雖然傳撻着嘅文凱婷(Aeren)同孫漢霖(火雞)喺尾場例牌否認拍拖,不過喺火雞生日正日,身體最誠意嘅Aeren被一個小動作已經出賣咗,連佢啲同學都覺得佢哋「有啲嘢」,一度起哄要佢哋公開咀嘴,到底Aeren同火雞點拆彈呢?
15號係火雞23歲嘅生日,成日學員同無綫主播喺演唱會後台搞驚喜生日會,送上「說慌」蛋糕時,好似「女主人」、全程企喺壽星仔火雞隔離嘅Aeren,表現超興奮,曾經想搭火雞搭頭,但突然又縮咗手,之後主播人又「搞事」問啲學員:「有啲咩表示,有啲人話要kiss喎。」,火雞未有反應,Aeren就好大反應話:「邊個呀?」潘靜文就踢爆話:「吓,一定係姓文嗰個錫佢!」,林智樂就答叫:「叫凱婷」,呢個時候見Aeren先O晒嘴,再好鬼鬼祟祟咁閃開咗,擺明「身有屎」,主播助攻話:「可以係Rock(何晉樂)Kiss。」Aeren知「甩難」又好快咁閃番出嚟,仲好大力用手推火雞個頭埋Rock度,又一次畀佢成功脫險。
東網網站 : https://on.cc/東網Facebook專頁 : https://www.facebook.com/onccnews/