結婚7周年送驚喜　蔡瀚億個個月都造人？

藝人蔡瀚億（BabyJohn）下午到深水埗，出席自家構思而成的日本茶道相展，獲好友兼導演黃修平、梁祖堯及陳俞希撐場。談到今次相展，BabyJohn表示：「我主動邀請自己一個好鍾意攝影嘅朋友幫手，我哋花咗5日時間影咗50幾張相，好多朋友以為係喺日本取景，證實咗香港都有好多優美自然環境。」

明天攝影展正式開幕，他表示相展於明天正開幕，正正是他與太太結婚7周年紀念，記者打趣會否擔心「7年之癢」？他答：「我都唔信呢啲嘢。（諗住點樣慶祝？）準備咗驚喜畀太太，同佢一齊製作一樣物件。（製造BB？）BB個個月都有幾日可以製做，順其自然啦！」

BabyJohn透露今次相展是其自組公司的頭炮project，當問到新冠肺炎疫情有否影響公司營運，他坦言：「未計數，不過入行8年我都未餓死。希望有份主持嘅ViuTV節目《晚吹—空肚講宵夜》能再添食，原來我哋喺節目介紹完嘅餐廳，事後會排長龍呀。」

東網網站 : https://on.cc/

東網Facebook專頁 : https://www.facebook.com/onccnews/