冇女友好幸福！游學修配合曾樂彤互不相見

藝人游學修晚上出關到電台做訪問，早前其女友曾樂彤講明不再講感情事（相關連結： https://bit.ly/2JflWV7 ），惹來感情生變疑雲，問可有抽時間同女友拍拖？他即遊花園指：「隨心啦，依家個個都話要隔離，仲講拍拖？（點維繫感情？）唔維繫㗎，順期自然，隨緣啦！（鬧咗交？）鬧交係種互動，隔離就係唔主張互動，但有Send Message嘅，人與人之間需要溝通，所以開會都係視像會議。（同女友Facetime？）各式各樣啦！」

他亦坦言都有一段時間冇同女友見面：「但冇計，我有睇佢訪問話咩人都唔見嘛。（包括你？）唔知喎！要問番佢，我都係配合。（分咗手？）睇你點睇啦！（你依家咩Status？）開心、幸福！（係咪因為女友公司唔畀佢公開講戀情先咁避忌？）我都鼓勵公司唔畀我講，公司好自由。」

東網網站 : https://on.cc/

東網Facebook專頁 : https://www.facebook.com/onccnews/