武漢肺炎持續爆發,本港口罩極度缺貨,市民一罩難求。個人護理用品連鎖店屈臣氏昨預告今日有口罩返貨,有市民清晨4時多已有店舖外冒寒風排隊,各區分店都有人龍。
將軍澳廣場分店,早上8時許已有數百人在場打蛇餅。在香港仔中心,排隊人龍排至牌坊,在利東邨商場也有市民在店外排長龍。在屯門分店,早上8時前也有數百人排隊,有人帶同摺櫈。
屈臣氏在Facebook專頁指,只有極少量抗疫產品返貨,而全線香港送貨時間亦有所不同,不同區域會於早上或下午收貨。至凌晨進一步補充,全線230間分店,今日每間只能提供20盒口罩。
屈臣氏稱,會繼續盡全力全球搜羅防疫產品,唯數量有限不足以應付所有需求,就此致歉,下批抗疫產品,會在二月初再陸續到貨。
建立時間:07:06
更新時間:08:01
留言 18
林奠堅持唔封關,害死香港,香港人點解要因為佢而受咁多苦 😢
2020年01月30日00:08
政府依家先話撲緊口罩,咁陳肇始1月11日就係講大話!
林鄭無能,根本冇基本世界觀、國際觀、政治理想,甚至乎私德。林鄭施政根本係作個人show ,唔係為香港市民,所以先至做樣樣吔都錯過重要時機。
台灣原本都出口口罩,依家就停止出口。
林鄭1月25日記者會仲話社會對主張冇肺炎就唔用戴口罩嘅陳漢儀不公平。三日之後自己戴口罩見記者,唔通一班高官全都染咗肺炎?林鄭永遠施政錯誤都唔道歉。
香港政府將抗炎政治化,不做實務,先搞到進退失據。好多私人公司舖頭都source緊口罩,同埋市民已經同係嗰度買到。政府唔好再扮做嘢。
現在真正在救香港的是海關、醫䕶前線人員、和一班市民。甚至乎,林鄭嘅官位、私人健康都倚賴市民齊心抗炎才得延續。
林鄭還有什麼資格係記者會鬧人?唔知醜。
2020年01月30日00:17
因為林鄭唔封落馬洲、羅湖,香港人先會仲驚,搶買口罩。
林鄭話封咗其他關已經減少80%內地人入港。北京已經話咗唔出自由行簽證,呢度已經佔咗50%、加埋旅行團佔25%左右(都取消晒)。
基本上,唔計北京方面嘅措施效果,林鄭嘅封關防疫效果係 0。
2020年01月30日00:16
Ringo Chiu
末買到巳經冷到傷風!
2020年01月30日00:53
StaySimpleStayHumble
排第21個入到舖頭買乜嘢好?
2020年01月30日00:11
顯示全部