陳柏宇（Jason）早前受訪講老婆符曉薇壞話，遭老婆開直播質問，並無損夫婦感情，老婆帶同兩個女兒和家人，昨晚（15日）總動員撐Jason音樂會。Jason在台上分享當人夫點滴，直言做老公不簡單，大讚老婆並非蠻不講理的人，會分工合作照顧小朋友，更特別多謝老婆。
對於門票傳銷情緩慢，他直言見台下入座率喜出望外，多謝同事們努力，他說：「我話會百分百配合宣傳，除褲落銅鑼灣跑都得，當然除完入面仲有一條短褲，最後我們都做到，唔見好多吉櫈。」
騷後Jason獲老婆咀嘴鼓勵，對於被老婆指責「出街成舊垃圾咁」，他表明不介意網民食花生，他們的相處就是這樣，他說：「係話我着到垃圾咁，因為我為咗佢冇位放衫，要畀佢知道一個人好或唔好，係睇性格同內心，而唔係着乜嘢衫，我唔需要，但老婆需要，佢拋唔開呢啲世俗嘢。」
他表示染上傷風感冒，開騷前已看西醫、中醫及針灸，已好了好多，笑言考慮cut唱《你瞞我瞞》，他強調對銷情從不擔心，他只替同事擔心，所以主動提出配合宣傳。
（即時娛樂）