張繼聰和林雪今日（4日）到中環出席譚仔雲南米線秋季限定「黃金魚湯米線配烤魚柳·魚肚」活動，兩人早前更首次合作拍廣告。張繼聰表示一家四口都喜歡吃米線，尤其清淡的米線更適合他減肥健身，他說：「每次食都勁開心，我諗冇乜香港人唔鍾意食米線；而酬勞固之然好，最主要嚟呢到食嘢見到自己個樣更加開心。」
張繼聰表示跟林雪拍廣告十分開心，有他在沒悶場：「佢喺我心目中係周伯通，成日都好似老頑童咁，但功力超深厚，拍電影直頭要向佢偷師，佢好似成日唔認真，但一認真就好鬼正。」
張繼聰太太謝安琪經常在社交網分享和女兒張靖下廚的相片，但張繼聰卻指自己不懂下廚，他笑言：「唔好殘害我屋企人喇，我淨係等食，屋企好多女士，所以廚房係女士地盤，我連爐都唔識開，反而個仔（張瞻）識煮麵同Pizza。（囝囝煮嘢食叻過你？）咁又唔知，唔會餓親囉，但冇話可以吸引異性。」
東網網站 : https://on.cc/東網Facebook專頁 : https://www.facebook.com/onccnews/