由蘇民峰主持的J2節目《呢鋪開乜︰開壇》，明晚（11月10日）一集主題講「壓力」。蘇民峰透露，原來他在2003年沙士之後，因為壓力患上怪病。壓力不是沒有生意，反而是因為生意太好忙到癲，搞到全身毛孔出血。
蘇民峰說︰「2004年好多人買樓搵我睇風水，仲話我一日未睇一日都唔郁裝修，隨時丟空成個月，你話幾大壓力。」當時由早上11點半睇到晚上11點半，每日12個鐘工作，壓力大到病，試過半夜胃痛去急症，但又找不到病源，但每次飲香檳個胃就覺好酸，他說︰「頭皮、毛孔出血，睇極醫生都唔好。」
去到2005年，蘇師傅開始減產，所有預約要等11個月。每月一次外遊旅行，怪病不藥而癒，師傅話︰「而家搵我做嘢要下午2點後。」
每人壓力源頭不同，主持之一的Carmen表示最驚早起的拍攝通告，會緊張到不能入睡；Doniven未知何時有拖拍，漸漸變成壓力。師傅表示睇印堂、眉心和法令紋，可以看出一個人是樂觀還是悲觀性格，抗壓能力都不同。
