車路士中堅泰亞高施華接受ESPN訪問就話「我同車路士仲有合約在身，竟然有傳媒話我想離開車路士重返富明尼斯，而我發現有啲球迷真係相信，有啲人甚至係社交網站詛咒我。呢件事對我嚟講真係好無聊，如果我無記錯嘅話，我啱啱先至同車路士續約兩個月😂。」
呢位巴西🇧🇷中堅又話「如果車路士唔想我下季留係球隊，或者新教練唔希望我留係呢度，咁我先至會提早離開。否則，我將會努力完成同車路士嘅合約☺️。」
對於車路士球迷係琴日賽前專登整咗TIFO向泰亞高施華致敬，施華係社交網站表示「我想多謝大家比給我同我嘅屋企人有咁多愛同尊重！我知道今季仲未結束，但係我哋無為車路士創造一個應有嘅球季，對於呢樣野真係唔好意思，但我會為車路士球迷而覺得驕傲😎。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/
