去日本食乜都特別好味道！甜品、蛋糕、麵包等更不用多講，今次推介兩間只賣芝士蛋糕嘅店，作為甜品控、蛋糕控、芝士控要收藏此 post 了！
第一間叫作 House Cheese Cake，去年 9月尾才開業，位於廣尾區距離 Metro 車站僅 5 – 10 分鐘路程，地面一層是蛋糕工房及零售點，一樓則是 café 有咖啡等供應。此店只賣芝士蛋糕，而最特別係用上不同嘅芝士去製作，分別有藍芝士、Camembert，藍芝士可以食到粒粒芝士，鹹香風味十分濃郁。
Camembert 則特別幼滑，店內另有雲呢拿、橙味、焦糖味等，原個有不同呎吋，不在 café 現場享用都可以買返酒店慢慢歎。
第二間推介店命為 Beltz，位置在惠比壽區，其實位於惠比壽與廣尾之間，由廣尾站步行去也不過 10-15 分鐘，這店比其他店更加專注，全店只賣原味巴斯克芝士蛋糕，分別有兩個呎吋，感質比較 creamy。
此店也十分打卡，從外看就是一整棟小白屋，室內設有十數個座位，花紋牆身甚有歐陸風情。
附近區域是幽靜嘅住宅區，不論是廣尾或惠比壽均有很多 café 及小店，來試芝士蛋糕之餘，仲可以發掘更多打卡店。
留言 0