周柏豪今日(24日)與鄭融及王敏奕現身澳門擔任餐廳開幕嘉賓,被問到早前亮相內地籃球真人騷節目表演Rap功,引起網上熱議,連ERROR成員吳保錡都拍片模仿「抽水」,周柏豪笑指自己「唔識Rap」,所以都覺得尷尬啦,但他不怕尷尬,也不做「下把位」,又表明不介意被保錡模仿,直指認識對方:「點會嬲佢呢?」
周柏豪今日出席活動時表示,近日忙於巡唱和拍攝節目,笑言女兒投訴他要多賺錢,但工作結束會即時返港,與家人關係非常親近。他早前在內地綜藝《我在橫店打籃球》中唱RAP成為話題,引起網民批評及恥笑。他認為唱RAP就是以搞笑為主。「搵我呢個唔識Rap嘅先有火花,當然尷尬啦,但我唔怕尷尬,能夠氹到大家笑,我願意去做,做藝人唔做『下把位』,我會覺得好悶,打波有型咪得囉﹗」
周柏豪唱RAP引起網上熱議,ERROR成員吳保錡模仿他,坦言不介意對方抽水開自己玩笑。「唔緊要啦!我識佢,大家都有共同朋友,佢之前都有攞我品牌啲衫着,如果要嬲,大把嘢可以嬲,點會嬲佢呢?」他笑言下次可請對方RAP,聽說他唱得不錯,「都是那句,鍾意的就多謝、不喜歡就笑一下吧!不一定要唱得有型,打波有型便可以了!」他又提到連詩雅生B後仍未有機會見面,先等對方休息好、BB長大後,再探望也不遲。
留言 1
NW
本身係小丑點會怕人笑
3小時前
顯示全部