廖慧儀潛水化身美人魚　展驚人健美身段

由彭慧中（Phoebe）、林秀怡、梁凱晴、梁超怡及廖慧儀（Jessica）主持的無綫旅遊飲食節目《吃貨橫掃港深珠》即將推出，5位小花用了40多日玩轉香港、深圳及珠海，落力搜刮吃喝玩樂新指南與觀眾分享。香港方面她們遍尋了近60間食肆，包括米芝蓮等級餐廳、打卡網紅餐廳、高級食府及老字號等，為觀眾提供吃貨優惠。

雖然拍攝期間一直食唔停，但5位主持為節目拍攝性感唯美鏡頭時，向粉絲大派福利依然弗到漏油，身為「瑜伽達人」的Jessica除扮演美人魚於打卡Café玩潛水外，更在水底頌缽治療時展現超驚人健美身段。談到相關拍攝，她笑言原來是應導演要求即興演出，並打趣效果唯美全靠幕後工作人員全力協助。

至於今次開工難忘事，梁凱晴則笑言自己因猜輸包剪揼，錯失與靚仔機師同坐直升機觀光暢遊珠海良機：「我喺下面好慘，有得睇冇得玩！」而有幸與機師同遊珠海的Jessica和梁超怡，則齊齊以絕招冧掂機師延長飛行時間，絕對令梁凱晴既妒且羨慕。

東網網站 : https://on.cc/東網Facebook專頁 : https://www.facebook.com/onccnews/