無綫前最靚女主播被捕獲搭港鐵　網民好奇係咪復出？

無綫前新聞主播藍可盈樣子甜美，曾被封為史上最靚女主播，佢近年已離巢並淡出幕前，尋日（24日）有網民於社交網上載捕獲藍可盈搭港鐵嘅相，睇到佢化上淡妝，氣質依然，相當靚女，有網民留言指「當年在街頭直播，見過真人，青春靚女」。

另有網民就晒咗2張於新聞報道時，藍可盈現身港鐵嘅相，睇見當時有人喺月台上接受傳媒訪問，藍可盈就靜靜地企喺旁邊，所以就一齊出鏡，有網民好奇佢係咪復出？並紛紛留言表示：「哇，好耐冇見。她現在是港鐵工作人員嗎？」、「她突然出現是任職構？」

其實藍可盈最為人所熟悉，就係佢曾於2015年被傳搭上已婚的無綫主播吳璟儁，被影到於天水圍密會，令無綫新聞部高層震怒，於消息傳出當晚吳璟儁即被調離《晚間新聞》主播台，不過翌年6月，吳璟儁同藍可盈又被安排一齊主持《六點半新聞報道》。

東網網站 : https://on.cc/東網Facebook專頁 : https://www.facebook.com/onccnews/