亞視出身、曾轉戰無綫嘅藝人莫家堯，自2004年約滿無綫後就淡出娛圈多年，改為接手家族生意，成為電子產品生意公司總裁，生意遍布香港、內地、馬來西亞，近日有消息指佢斥資購入豪宅單位，據知該單位位於雲地利道金山花園，單位大約900呎，以成交價2千3百多萬元賣出，可見莫家堯環境相當唔錯。其實佢雖然息影多年，但同圈中好友依然關係友好，於2019年佢曾現身鄭嘉穎生日派對，當時佢獲網民大讚「凍齡」，外表變化不大。
東網網站 : https://on.cc/東網Facebook專頁 : https://www.facebook.com/onccnews/