橋本環奈亂入《上海灘賭聖》：我要殺死丁力呢個仆X！

「我要殺死丁力呢個仆X！」呢個對白，出自周星馳電影《賭俠2之上海灘賭聖》，再配合埋個招動作，成就經典！

有「千年一遇美少女」呢個朵嘅日本女星橋本環奈，最近拍攝一輯廣告，呢個廣告引起香港網友嘅關注，不過唔係因為橋本嘅靚樣，而係佢廣告中嘅動作！因為佢擺出同《上海灘賭聖》「我要殺死丁力呢個仆X！」呢個動作，喺索爆嘅橋本加持吓，成個畫面變得好可愛！網友睇完呢個廣告，即時陷入瘋狂，留言：「擺完仲要揈手，個導演肯定有睇過《上海灘賭聖》！」、「如果翻拍，可以搵橋本環奈做川島芳子！」非常爆笑！

「我要殺死丁力呢個仆X！」呢個動作點嚟？飾演川島芳子嘅藝人黃韻詩，劇情講到佢要教周星馳自我催眠，一邊講出「我要殺死丁力呢個仆x」，再擺出呢個動作，出嚟嘅效果勁爆笑！

----------------------------------------

世事如棋局局新，娛圈熱話數之不盡，唔想Out、唔想同班Friend冇話題？就一定要留意繽FUN專題嘅「熱話」喇！

東網網站 : https://on.cc/東網Facebook專頁 : https://www.facebook.com/onccnews/