旺角泰式麵食小店　船麵湯底超夠濃入味｜旺角｜Boathai

話說旺角呢頭咁多嘢食，但比人感覺都係平民大路嘢多，可能因為人來人往流量大，好少聽到有啲用心小店，今次呢間小店由泰國華僑主理，就睇得出幾有心機。

佢地都開咗一段時間，但上IG睇得出未係好多人認識，主打泰式麵食，聽講大廚跟隨自己家鄉嘅家庭口味，湯底每日廿幾種材料新鮮熬成，食得出真係同平時唔同。

-
🥓寶泰船麵 (豬 $78)
正如上邊提到，湯底20幾種材料熬成，超夠濃郁，每一啖麵都掛哂湯，食完仲會想飲埋個湯，除咗唔同新鮮豬肉配料，竟然仲配上少見嘅蝴蝶腩，而且煮得入味。

🥘清邁咖喱雞湯麵 ($98)
🍝黃金炸豬腩撈麵 ($78)
呢到麵嘅選擇都唔少，例如真濃厚嘅泰北金麵，但唔好以為好膩，香料香味有唔同層次，後者撈麵更加令人上癮，炸豬腩非常出色，外脆內肥美。

-
🍖火山排骨 ($98)
🦐茅椒荔枝蝦 ($48)
火山排骨同樣用上秘製湯底醬汁，唔好以為秘製係吹水，呢種真係同平時火山排骨唔同，惹味之餘飲落舒服，而且比平時抵食又大大份。

🔸晚市套餐 - 麵跟小食同飲品 (~$100)
🍹斑斕香茅茶（套餐+$12)
🍹泰式青檸紅茶 (套餐+$12)
🍹薄荷青檸梳打 (套餐+$16)
呢到嘅特飲都同出邊唔同，真係自家調製口味，唔係平時果啲大路嘢，例如斑斕香茅茶就真係少見，但青檸梳打/紅茶都唔同，而且每杯特飲都係自家手打。

-
Boathai @boathai.noodle
🗺️旺角廣華街8號地舖
📞6088 8059
❇️話說Lunch差唔多價錢，大約$88，但就有埋小食同嘢飲，更加抵食。

生活