又唔係出身巨富含住金鎖匙出世，唔少藝人都曾經捱過窮過默默無聞從低爬起，正如模範夫妻張繼聰同謝安琪（Kay）兩公婆當年奉子成婚，當中辛酸真係有苦自己知。
文、圖：東方新地
謝安琪曾貪平住村屋 今住比華利山獨立洋房
當年陀住第一胎嘅謝安琪（Kay）都試過貪平住村屋，而張繼聰亦試過被譏知名度及搵錢能力不如老婆，不過隨著謝安琪喺樂壇逐步攀上最受歡迎女歌手位置，張繼聰亦能唱能演慢慢成為多棲藝人大受廣告商歡迎，兩公婆身價暴升，終於喺逆市低價以1,200萬由大埔村屋搬入比華利山獨立洋房居住，呢個往上爬嘅愛情故事，唔止浪漫仲好勵志！
當年Kay憑住一曲〈囍帖街〉爆紅，張繼聰仲係三線創作歌手，兩公婆一度被指女尊男卑，大肚Kay被指慘到捱窮要住村屋！如今張繼聰已獨當一面歌影視三棲，一家四口家住獨立屋，生活水平十級跳。兩公婆08年以逆市價1,200萬低價購入4,000呎比華利山明星熱愛豪宅，裝修豪華配套齊全，Kay同一對仔女喺屋企樓下散個步，盡顯高私隱低密度富貴日常。百無聊賴，搵老公操刀喺泳池影番輯靚相，正！普通人家小孩無奈對住四面牆，但張瞻同張靖就有得喺自己泳池玩水食薯片。去年推出歌曲〈我在陽台上看你〉時，Kay都有po番張窗前靚相宣傳，不過就被囡囡亂入，重點當然係落地玻璃巨房外嘅風景，有山有海景致怡人。四千呎獨立屋豪宅內櫳曝光
去年遇著疫情，娛樂圈工作大不如前，兩公婆如同大多星爸星媽一樣，難得可以放下工作重拾家庭樂和親子時光，個人社交帳戶不停分享夫妻點滴同子女溫馨玩樂外，4,000呎超級豪宅內籠亦都逐格曝光。一家四口入住四千呎豪宅大過頭用唔晒？事實證明防疫期間人人stay home，當自己屋企可以有私家泳池畀仔女放電、浴缸大到夠張繼聰同13歲張瞻玩父子同浴、客廳巨到可以打機Jam歌仲夠三歲囡囡張靖玩超跑通屋走時，就知道咩叫做貧窮限制咗想像力！
閒時可以坐在陽台上享受美好風景，室內亦放上一對舒適竹椅曬日光歎杯茶，咁至係生活。地下一層的飯廳連住客廳，以保護欄劃出張靖專屬玩樂區外，還擺放了一枱可以坐夠十個人嘅巨大餐枱。張瞻和張靖一手一個被爸爸抱住的親子時光，亦可見萬千寵愛集一身嘅三歲張靖有多架專屬玩具超跑停泊喺廳中。張繼聰曾為套戲一時要谷肥一時又要瘦身，好彩屋企地方大隨時可以健身操肌，仲可以就手攞囡囡做健身器材。客廳四正又巨大，電視冇番一百幾十吋邊夠睇？當張靖係前世情人捧在掌心，張繼聰亦沒有忽略囝囝張瞻成長，自爆張瞻愛音樂創意多，呢個抗疫假期就攞起結他陪住囝囝jam歌。17年三月二女張靖出世，Kay急不及待預先為囡囡準備好大過人哋主人房嘅海景粉紅育嬰室。而作為全家人嘅掌上明珠，張靖第一句說話、第一次行路都被放上網分享，片段中亦可見張家氣派裝修。 
留言 15
美猴王🇨🇳🇹🇼🇭🇰🇲🇴
你估住村屋人人住得起㗎？！
2021年03月13日01:37
R Lam
大把人住村屋，有乜問題？唔好亂咁踩人！
2021年03月13日05:12
Kris
發財要立品！窮過理應更體會窮人嘅辛酸 今日有本事住上有錢人區 希望你地扮都扮到有番啲文化
2021年03月13日02:27
R Lam
$1200 萬買4000呎獨立屋，即係$3000/呎。就算係逆市都冇可能吧！
2021年03月13日05:05
熊出沒注意
租租啫！鬼有錢買！
2020年09月24日09:25
顯示全部