坤哥27歲日籍藝人老婆曝光 叫浜口愛子鍾意老公成日引佢笑

32歲的吳業坤（坤哥）今日凌晨在IG公告已婚：「小弟結婚了，感覺好微妙，一直都覺得自己仲係小朋友咁，唔知道幾時先叫大人，可能調番轉要比（俾）佢照顧番。」坦言好幸福嘅新任人夫仲話：「最後暫時關於她的事情都想留一點空間，日後再介紹給大家認識，謝謝大家。」但網民實在太強大，坤哥結婚消息公佈兩個鐘，網民已從坤哥耳仔嘅一粒癦將坤嫂起底，原來係27歲嘅日籍藝人及主持浜口愛子，今年27歲，5呎4吋高，拍過戲同劇又會做主持及DJ，有可愛爆牙，身材仲相當唔錯。其實坤嫂亦有在個人Twitter公告結婚消息，但自坤哥公佈結婚後坤嫂即將Twitter Set晒Private。

有消息指已在日本數月的坤哥計劃下星期返港，坤嫂的Twitter除貼咗遮住坤哥樣嘅結婚相外，亦透露已結婚，上月尾已離開舊經理人公司，未來會將生活基地搬到海外，更公開點解會嫁畀坤哥，「第一次喺海外生活，一個新環境及新開始，我想同一個總係令我開懷大笑嘅愉快夥伴一齊，邊行邊互相扶持。」被連登巴打瘋狂羨慕嘅坤哥娶到日本妹全因夠搞笑。

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ