台灣歌手韋禮安（William）最近宣布與交往2年嘅圈外女友結婚，榮升人夫嘅佢日前出席新歌MV首映會，同大家分享新婚喜悅，更大爆求婚過程。原來William搵咗男性朋友「壯膽」揀婚戒，更事先準備求婚台詞表示「似金曲感言一樣」，又邀請一眾親友見證。當時佢單膝下跪，同老婆大派閃光彈話：「當你碰到對的人時，你想要和她度過下半輩子的話，你會希望下半輩子趕快開始，很希望和妳明天再見、每天再見。」而問到求婚嗰陣老婆有冇感動到喊？佢就表示：「有吧，她沒哭，是我內心哭泣。」
William更透露唔會搞婚宴，僅邀請親友參與家宴，預計出年先同老婆度蜜月，仲話目前好享受同老婆2人世界，唔急住生仔，佢話：「每天起床對老婆甜言蜜語，只要有時間，我們會站在窗前看夕陽，聽歌浪漫共舞。」真係閃死人呀！
東網網站 : https://on.cc/東網Facebook專頁 : https://www.facebook.com/onccnews/
