根據Fabrizio Romano嘅報導，卡雲尼(Édinson Cavani)與華倫西亞解除合約，並與阿根廷球隊小保加達成協議，將會簽下一年合同到2024年12月，卡雲尼以黃昏之齡正式離開歐洲球壇，重返南美🙌🏻
曾經效力拿玻里、巴黎聖日耳門同曼聯嘅卡雲尼，呢位36歲嘅烏拉圭國腳前鋒，上季加盟西甲華倫西亞，為球會上陣28場比賽攻入7球2助攻，呢個數據或者差啲，但卡雲尼嘅作用唔單止係數據上反映，亦包括支點攞波同擾亂對方守衛捕捉機會等貢獻，因此卡雲尼仍然有一定嘅影響力👹話雖如此，卡雲尼上季需要時間適應，下半季亦浪費不少黃金機會，導致球會驚險萬分🥴
然而引入卡雲尼嘅人，其實係上一任領隊加度素，加度素2月被炒後有球會名宿魯賓巴拉查(Ruben Garajar)接手，當時華倫西亞仍然處於聯賽尾三位置，最終係第十六位逃出生天。
新一季卡雲尼被告知不再未來計劃當中，繼而雙方尋求共識解約，如今卡雲尼離開歐洲球壇，除左可以重返南美接近家鄉烏拉圭，更可以係較低強度嘅阿甲聯賽延長球員生涯，因此對卡雲尼而言係一個好選擇🤝至於華倫西亞嘅領隊巴拉查就相當苦惱，因為球隊一個轉會窗失去三名前鋒，包括卡雲尼、加盟般尼茅夫嘅古華特同租借完結嘅Samuel Dias Lino，三人上季聯賽入球數為球隊嘅四成，因此來季就要睇巴拉查能否再度拯救華倫西亞🫨
▼Follow 足球港場
Instagram: https://www.instagram.com/footballarena_hk/
留言 0