廣告（請繼續閱讀本文）
英格蘭🏴翼鋒史達寧最近接受太陽報訪問就話「當球隊輸波離開球場嗰陣，我哋會覺得好失望，尤其係球隊完成比賽之後，大家只係坐係更衣室周圍望，因為你唔明頭先發生咩事。而我覺得球隊每個人都習慣返贏波嘅感覺，我哋都希望盡快搵返呢種感覺，因為今年無咩呢種感覺真係唔係咁好🫠。」
史達寧又話「球隊嘅表現未去到應該有嘅水準，當然包括我自己，但足球係殘酷，你越係想解決問題，情況就越大獲。我哋一定要係嚟緊幾個月做好準備，去返球隊應該有嘅水準。我哋下季一定要有能力同其他球隊競爭，所以我哋由依家開始就要好好振作同埋不斷努力💪🏻。」
史達寧最後就話「我從來都唔後悔加盟車路士，反而覺得自己作出明智決定。雖然我係之前嘅球隊度過快樂時光，贏到好多獎盃，但係我鍾意新挑戰，依家就係我想參加嘅挑戰，而我會克服呢啲挑戰😎。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/