美臣曼治，作為曼聯今個夏天轉會窗第一簽，同時係暫時唯一一簽。6000萬鎊身價，呢位曾經幫助車路士登上歐洲巔峰嘅功臣，去到曼市想必令人期待。
「曼治去到曼聯會踢咩位?」
相信曼治位置方面，係大家急不及待想知嘅。Manchester Evening News 引用主帥坦克嘅對於艾歷臣位置嘅講法：「佢將會被安排踢6號或者8號位，比起佢之前踢開嘅10號位「深」，亦會有好大自由度。」報章編輯相信，相對年輕嘅曼治將成為老將艾歷臣嘅接班人。
小弟個人認為，接班艾歷臣嘅，會係同樣擅長傳送般奴，而曼治更適合擔任般奴原本嘅角色。曼治喺中前場活動範圍廣闊，亦係更加全面嘅攻中，佢適合坦克要求，以跑動頻密呼應隊友嘅風格。
面對強隊如曼城時，坦克曾轉陣成442, 亦嘗試將般奴放上翼鋒/邊中場位。曼治之前亦偶爾擔任翼鋒，論突破力、內切、落後傳中等元素，相信比般奴有過之而無不及。
杜曹曾經講過：「Mason帶嚟咗一種態度、氣場同埋喺場上嘅心態。」相信曼治喺魔性方面唔使懷疑。從前車仔有簡迪，依家曼聯有卡斯米路作為中場後盾，曼治去到奧脫福繼續發揮才華指日可待！
🌟大家又點睇呢位新球員？
▼Follow 時代的波經 by LeeKeith