請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

整爛古董要賠錢 網民戥黃嘉雯不值 方紹聰 : 係好朋友先會整蠱佢

奶仔方紹聰最新為J2主持新節目《貧窮限制想像》,引領觀眾走進富貴人家世界,體驗何謂奢華及昂貴的生活,拓展視野,而昨晚一集就講到奶仔帶黃嘉雯(Carmaney)去拜訪一位古董收藏家,席間Carmaney因為唔小心整爛「古董」瓷碗要賠8.8萬,搞到她淚灑當場,但原來只是奶仔的整蠱把戲,他解釋同Carmaney本身是好朋友先會這樣開玩笑,「啲人成日話TVB好悶、俾老人家睇。我主持嘅節目一向希望可以用輕鬆、有趣的方式,將一些我想帶出的知識、資訊話俾觀眾知。所以今次整蠱Carmaney,希望令到節目更加豐富,觀眾睇得更投入。另外,我認為朋友之間開玩笑,係增進感情的其中一個方法。如果兩個人恭恭敬敬,相敬如賓,相信的友誼也不會太深厚,所以今次同Carmaney真係好好朋友先會整蠱佢,我都期待下次佢會整蠱返我。」

不過好多網上留言,以為件事是真,Carmaney要賠錢,紛紛戥她不值,奶仔說:「我估計大家都只是看新聞標題,沒有看內文,或者冇睇到該集節目,節目入邊已經清楚講了整件事是開玩笑,是假的,希望觀眾睇奶仔的節目,唔好太認真。」

查看原始文章