請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

魯庭暉疑錯誤陳述病情 舞蹈員阿峯傷及盤骨轉院留醫

MIRROR演唱會上星期發生嚴重意外,兩名舞蹈員受傷入院,其中阿Mo(李啟言)仍在深切治療部留醫,至於MakerVille行政總裁魯庭暉曾經在醫院會見傳媒,表示另一舞蹈員阿峯(張梓峯)只是輕傷及已經出院,但有「貓貓校監」之稱的呂校長,今晚代阿峯家人轉述阿峯受傷經過及傷勢,原來唔係「輕傷出院」,而是「轉院繼續留醫」。

呂校長今日較早時候表示會代阿峯家人講述傷勢及受傷經過,到晚上發表超過11分鐘的短片。

早前,魯庭暉說阿峯只是輕傷及準備出院,醫管局其後亦發聲明指,「其中一名傷者在深切治療部留醫,情況嚴重。另一位傷者情況穩定,在家人陪同下已於今日下午自行出院。」但今日較早時候,呂校長預告今晚代阿峯家人轉述阿峯受傷經過及傷勢,事實並非魯庭暉所言。直到晚上七時許,她寫道:「張梓峯家人希望透過呂校長平台,交代以下幾個重點:

1)唔係「輕傷出院」

2)係「轉院繼續留醫」

3)將會 「即使出院但因病情需要每天回醫院接受治療」

4)由於身體狀況(盆骨和腰部被壓傷)未可回家休養並要搬到方便出入的地方暫住

5)因此傳媒朋友不需要在他們的家中守候追訪

6)若出院安頓後或有進一步檢查報告有關阿峯的消息,亦會與大家分享

7)傳媒垂詢,可直接聯絡呂校長。

感激各位並希望繼續為受影響嘅人士集氣祈禱!」

阿峯原來未出院,只是轉院繼續留醫,盆骨和腰部被壓傷而未可回家休養。

呂校長上載的片段中,交代阿峯受傷經過及傷勢:「喺7月31日,我同佢(阿峯)哥哥傾咗大概情况;8月1日用咗幾長時間同佢哥哥及阿峯太太,去了解發生乜嘢事,因為網上傳嘅消息,愈來愈亂,關心佢嘅人知道大概狀况,有乜嘢事件陸續發生,條片交代幾個事情。」她說阿峯並非輕傷出院,而是轉院,其中原因有大量傳媒報道,令醫院﹑家人及傷者有少少影響,始終事發後入院,醫院當時排佢上房,都用咗相當時間,04﹑05先上到病房,短時間內做好多檢測,test,個人都好攰,家人某程度上唔可以陪佢。」

阿峯日前聯署發出舞蹈員聲明,希望各位以其個人、家屬及官方單位發放消息為準。

她又總結意外經過。「當晚不幸事件,電視屏幕跌落嚟,壓傷阿Mo,當時阿峯係見唔到,當佢見到時,知道屏幕跌落嚟壓到阿Mo,佢想上前推,想用自己力量推開個屏幕,去幫忙件事,喺電光火石之間,做呢個動作,一個人身體力量有限,儘管佢嘅力唔細,但結果屏幕都係壓落嚟,壓落時先拍佢到個頭,撼一撼,佢意志力較強,想繼續推,當時冇暈倒,但最後壓咗落嚟,壓到盆骨及壓傷大髀內外側,都係好應,腳趾爆咗,手指當然受傷,亦可以估計到身體其他部分,亦都相對有問題。」

阿峯亦有參與當年郭富城世界巡迴演唱會表演。

原來,阿峯更因此傷及頭部。「嗰下先撼到個頭,LED屏幕始終係硬物,佢照過腦﹑磁力共振,有部分位置有做,依家狀態係醫生知道一定有手尾,要做復康計劃,呢個情况下,太太及家人冇現身交代,因為情緒波動,亦不擅辭令,佢哋要搞掂自身問題。」

呂校長播出阿峯太太的錄音短訊。

席間,呂校長播出阿峯太太的錄音短訊,阿峯太太說:「嗰塊LED跌落嚟,佢個位置睇唔到,如果睇片,佢當時擰轉後面準備行時,發現塌下來,想幫佢同事(阿Mo),佢推住LED,好大力,但都係塌下落,始終太重,見張相佢喺LED底,最後嘅相片佢喺LED角位,因為佢推住之後爬出少少,再由同事搬起LED,佢嗰刻有意識,即刻爬出嚟。」

阿峯參與MIRROR不少MV及現場演出,與多位成員熟稔。

呂校長又說:「直至呢一刻,8月2日早上阿峯仲喺醫院,我相信佢遲早會出院,我知嘅時候再告訴大家,出院後佢每一日要去做物理治療及檢查,傷勢比阿Mo係相對輕,但傳媒及網傳佢輕傷出院,不過唔係,用常理及common sense,一件硬物跌落嚟,加上精神狀態,壓落嚟時,佢用方法借力爬出嚟,佢又擋到爬,都係想救阿Mo幫佢,嗰刻意志仲清醒,之後有其他舞蹈員幫Mo,亦有人幫佢,扚高個LED屏幕,再拉佢出嚟,佢真係暈及感到痛。」

呂校長代家人轉述 Mirror 演唱會意外傷者 阿峯受傷經過及傷勢 張梓峯家人希望透過呂校長平台交代以下幾個重點: 1)吾係「輕傷出院」 2)係「轉院繼續留醫」 3)將會…

Posted by 夠薑子 呂校長 l 貓貓校監 l on Tuesday, August 2, 2022