「四料」港姐冠軍徐子珊於2015年離開無綫後，重返校園修讀珠寶設計，兩年後更投資7位數字創立自家珠寶品牌Kate Tsui，去到2019年再遠赴歐洲讀心理學博士課程，正式淡出娛樂圈兼取消所有社交平台帳號。當時有指她賣車賣樓套現，決心離港去外國開展新生活。
神隱三年，近日有網民就在倫敦「野生捕獲」徐子珊，更分享兩張徐子珊的近照，大讚她真人又高又靚，又形容「年少不知子珊好」。相中見到子珊以低胸衫示人，頂住一個留海髮型的她對鏡頭微笑，氣色超好，而且保養得宜零走樣，完全看不出已經43歲。
徐子珊對上一次公開露面已經是去年3月為馬來西亞一個慈善活動，4月亦有現身出席一個慈善籌款晚宴，當時身形一樣冇走樣，女人味十足。徐子珊於2004年透過港姐冠軍入行，隨即獲無綫力捧擔正多套劇集，直到2019年決定淡出演藝圏。