無綫力捧小生吳子冲在劇集《羅密歐與祝英台》中與兄弟徐文浩爭奪鄺潔楹（Judy），他表示與Judy合作拍《七公主》時，Judy角色追求他，估不到在《羅》劇輪到他追求Judy，2人身高差距大，他身高1米87，Judy身高1米53，成為最萌生高差，深受觀眾喜愛，不過每次合拍就難為了攝影師，「因為好難一次過影到我哋兩個，通常我會擘大腳企，又或者佢企喺個盒上面，之前拍《七公主》時，有場跑步戲，要專登搭了一條高跑道畀佢跑。」今次再次合作，他感覺Judy演技大有進步，但自嫌進步較少。近日正在深圳為新劇《企業強人》開工，跟陳豪和譚俊彥(Shaun)合作，令他獲益良多，他覺得陳豪是一位報喜不報憂的人，好像爸爸一樣，而譚俊彥就會指出他的錯處，感覺似大哥般，「Shaun想鞭策我進步，緊張我先講，因為知我唔會介意，好似有次導演話我唔夠嬲怒，Shaun提點我，要做鏡頭都感覺到我嬲先得。」他將要在深圳拍攝至12月才返港，透露初時水土不服，患上腸胃炎，現在已經適應過來。
東網網站 : https://on.cc/東網Facebook專頁 : https://www.facebook.com/onccnews/