哥迪奧拿：夏蘭特唔係骨折，希望對水晶宮英超比賽可以復出，如果唔得就要等到世界冠軍球會盃

曼城教練哥迪奧拿接受訪問就話「夏蘭特唔係骨折，只係啲骨受到壓力，希望夏蘭特對住水晶宮英超比賽可以復出，如果唔得就要等到之後去沙特阿拉伯踢嘅世界冠軍球會盃😶。」

哥迪奧拿仲話「其實係對完阿士東維拉之後第二日，夏蘭特無辦法正常接受訓練。不過夏蘭特琴日同我講佢好咗好多，可以正常行路，已經唔覺得好痛，所以我哋都要每日留意住夏蘭特情況🙂。」

呢位西班牙🇪🇸教練最後就話「杜古最近就有肌肉問題，但係就唔似迪布尼咁嚴重，但我哋都要考慮杜古爆發力同埋小心處理呢個問題，杜古過多一至兩個星期就可以復出🤓。」

▼ Follow Football.jai 足球仔

運動