藝人陳瀅今日於九龍灣為無綫新劇《特勤女團》拍攝，同場還有馬貫東，劇中武功高強的她被馬貫東指「好鬼大力」，不過二人日前拍攝一場柔道戲份時，她都被馬貫東撻傷，陳瀅接受東網獨家訪問時說：「劇中我同好多男仔對打，個個都好大隻，其實我都試過整親阿東，因為之前拍過打戲，打得唔盡力NG仲大件事，所以每次都出盡力做，好多男同事都鍾意同我拍打戲，因為好快就可以收工。」
說到好姊妹JW日前旅行大解放PO性感照，陳瀅坦言很久沒見對方，當日見到相片時都即跟對方視像，問她點解咁正，JW指同行都是女仔，陳瀅坦言：「我同佢講：『咁悶㗎！』(係咪有新戀情？)咁我又唔知喎！」問她自己有否着落時，她指沒有，拍完此劇都傾緊其他新嘗試，如果成事全年都會好忙，她又謂：「冇人追呀！(冇人介紹?)介紹到悶呀！有介紹我都唔得閒。」問到有甚麼要求時，她即搵馬貫東「過橋」謂：「阿東呢啲咪啱囉！」陳瀅指自己唔揀靚仔，最緊要合拍。
東網網站 : https://on.cc/東網Facebook專頁 : https://www.facebook.com/onccnews/
留言 0