粉絲行為偶像埋單？　梅艷芳訪問被翻出：有實力唔需要咁大反擊

近年香港娛樂圈重現不少新生代偶像，粉絲們全天候為自己的偶像造勢，令人想起當年張國榮、譚詠麟，以及四大天王年代。都說「粉絲行為，偶像埋單」，無論放在40年前或今時今日，其實都一樣有道理。

最近有網民翻出梅艷芳於90年代的訪問，談及歌迷的行為對歌手的影響，她相信「如果你覺得你嘅偶像係有實力嘅話，佢一定會得到㗎，唔需要咁大嘅反擊，或者咁大嘅情緒不滿嘅感覺㗎。」

梅艷芳在當年的訪問說道：「我覺得啲歌迷有陣時都要冷靜啲囉，因為佢哋嘅形象、佢哋嘅所作所為，會直接影響到嗰個歌手嘅形象，俾人哋個感覺、個觀感係點樣㗎。自己最好都係理智啲囉，人哋講咩嘢冇乜必要… 我咁樣講，實力㗎咋嘛，如果你覺得你嘅偶像係有實力嘅話，佢一定會得到㗎，唔需要咁大嘅反擊，或者咁大嘅情緒不滿嘅感覺㗎。」