旺角一名姓簡(27歲)男子昨晚(12日)10時許報案，指他與朋友在港鐵旺角站E1出入口、雅蘭中心對開空地busking唱歌時，有一隻容量為500毫升的玻璃樽從天而降，飛落行人路後粉碎，幸好玻璃碎片未有濺中途人。警員圍封現場調查，經搜索一番後，未能確定玻璃從何處墮下，案件列「高空擲物」處理。
其後事主在社交網貼文公布事件，「旺角E1出口donki樓上高空投擲玻璃樽，掉到觀眾/途人群眾旁邊，玻璃碎片四濺唔知有無人鎅親，當時我坐距離三米左右，身邊全是玻璃碎，真係唔知會唔會下次掉鏹水，所以當下選擇報案備案先，如果下次有人去嘅都建議set cam影上面」。
事主又慨嘆，「想講香港busking好難，當然有人鍾意有人唔鍾意，唔鍾意可以報案嘅，如果要私了嘅可以搵我嘅，但掉到一啲無辜嘅人就好過分，後生仔只係假期玩個音樂，街邊啲紅綠燈車聲人聲都大聲過我哋好多，或者咁講住得旺角預咗，好似住台北西門町都預左嘅一樣」。
東網網站 : https://on.cc/東網Facebook專頁 : https://www.facebook.com/onccnews/
留言 0