地道潮洲菜小店　韭菜豬紅惹味到痴線｜油麻地｜潮味莊

每次講起廟街夜繽紛，其實都好好奇，果到咁多夜市小食檔，會唔會搶走啲餐廳生意，越繽紛越慘淡，但估唔到果日黎呢間小店，都見到差唔多坐滿。

呢間潮洲菜小店以前開係土瓜灣，果陣已經超受街坊歡迎，呢到就更加方便，之所以咁多捧場客，除咗抵食足料，出邊少見嘅正宗潮洲嘢都有，而且都係自家製夠地道。

-
🥘韭菜豬紅 ($65)
🦪鴨蛋蠔餅 ($88)
呢份韭菜豬紅惹味到痴線，睇片都見醬汁幾濃郁，但最正係豬紅入邊都入哂味，而蠔餅真係夠酥脆，而且用真鴨蛋去炸，特別香口。

🍲蠔仔肉碎粥 ($60/碗 $128/煲)
🥓滷水無骨鵝片($128)
潮洲菜必食呢兩道，前者蠔仔肉碎粥超出色，蠔仔新鮮鮮甜，啱啱好熟超嫩，後者鵝片嘅滷水，都係師傅自家秘方製，啖啖肉又香濃。

🍘獨家秘製炸卷蝦卷/蘿蔔卷/豬肉卷 ($108)
出邊買少見少嘅潮洲炸卷，估唔到呢到都有，而且都係自己秘方，餡料層次豐富，炸到超酥脆，三款卷仲可以雙拼。

🦐蒜蓉開邊蝦 ($148)
海鮮都係潮洲菜必食，呢到選擇都有唔少，呢份開邊蝦用新鮮貨，鮮甜又重蒜惹味，而開邊蝦最正緊係啖啖肉，唔洗剥殼超爽。

🍻Suntory白啤 ($60)

-
潮味莊
🗺️油麻地吳松街1-3號創遠樓地舖
📞2322 5851
❇️開到凌晨2點！宵夜可以去打個冷。

生活