天堂鳥Gordon陳樂榣簽紙結婚　與繼女組五口之家甜到漏

前天堂鳥成員Gordon（葉泓聲）與懷孕7個多月的陳樂榣今日（16日）簽字註冊，在家人們及好友見證下成為正式夫妻，一對新人透露BB預產期是明年一月中，預計明年下半年補擺喜酒，又表示到時會一家四口度蜜月，幸福滿瀉。

在簽紙儀式上，Gordon宣讀誓詞時感動到語帶哽咽，他說：「今次我們安排以家人為主，最初諗住心情有點輕鬆，原來誓詞係好感動，我諗明年大宴親朋有更多人一齊見證我地，相信更加感動。」而新葉太陳樂榣笑言：「我就覺得係老夫老妻，Gordon比較鍾意儀式感，我只係好肚餓想食嘢。」問到Gordon近年工作不斷又順利，是否覺得另一半旺夫？陳樂榣搶着說：「我唔敢自己講，不過你（Gordon）讚我就一定接受。」Gordon則說：「可能係我旺妻呢！因為妳都開新舖，生意興隆喎！最緊要都係大家都順利！」

陀巨肚簽紙的陳樂榣透露預產期是明年一月中，兩公婆商量應該明年下半年擺酒，Gordon補充說：「老婆好怕熱，會黑面㗎！所以等天氣涼一點才擺酒，已經計劃明年年尾去滑雪再去馬爾代夫渡度蜜月，因為太太呢兩年一直都陀BB，要享受番二人世界啊，不過我唔捨得兩個女，都係一家人去旅行。」問到兩人有何夫妻之道，Gordon笑言：「盡量唔好激嬲老婆，大家相處要包容，好彩老婆都易氹。」陳樂榣認為大家最緊要坦白說出感受，兩夫妻不要有隔夜仇。