現正上映嘅哈利波特前傳電影《怪獸與葛林戴華德之罪》再度喺全球引起魔法熱潮，睇完套電影嘅你，係咪都想成為魔法界嘅一員呢？
日本TAKARA TOMY ARTS扭蛋最近就推出咗《怪獸與葛林戴華德之罪》嘅魔杖系列，5位主角嘅魔杖都有得扭！仲要還原度超高！
魔杖扭蛋一套五款，由上至下、左至右分別係紐特·斯卡曼德、蒂娜·金坦、奎妮·金坦、阿不思·鄧不利多，以及蓋勒·葛林戴華德嘅魔杖。
仔細睇每枝魔杖嘅做工精細，唔輸俾原版！小編好想要葛林戴華德嗰枝接骨木魔杖～
唯一不足嘅地方就係為咗配合扭蛋size，魔杖都整得好迷你、的骰。
哈利波特系列嘅fans都會好想買返枝魔杖收藏，平時喺環球影城都有得賣，但價錢就較高，今次呢款扭蛋只係300円咋！性價比超高！絕對扭得過！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0