藝人梁競徽、林盛斌（Bob）、王梓軒、陳國峰等為無綫節目《兄弟幫》錄影，同時宣布節目在下月3日播畢最後一集便正式完結。Bob坦言經歷10年、拍攝逾2,500集，雖然感不捨，但總算完成歷史任務，他說：「識到班好兄弟，節目又令好多觀眾認識我，亦有唔同嘅監製、綜藝同戲劇工作搵我！（點解唔繼續做？）未必做到好多年，10年已經好難得。」
而梁競徽則表示現時讓大家停一停，各自走自己的路，往後或再以另一形式再聚。問到稍後會否多拍劇集？他說：「啱啱客串完《使徒行者3》，劇入面有啲同林峯重逢嘅場口。（佢有冇請你去飲？）之前煞科宴有食飯，因為佢要離開香港！（阿峯未婚妻張馨月都有到喎！）都唔係第一次見，我呢啲入室見過好多次！（冇畀囍帖你？）未請我呀！」
東網網站 : https://on.cc/
東網Facebook專頁 : https://www.facebook.com/onccnews/