【見到都焗】家中有老有嫩 譚俊彥戴重型口罩跑步

政府聽日將全面執行室外強制戴口罩，講到明做運動亦不能豁免，家中有老有嫩嘅譚俊彥(Shaun)其實一早已戴罩跑步，小心駛得萬年船，家陣啲病毒周圍都有。今日Shaun就上載戴重型口罩跑步嘅相到IG，並留言「呢啲瘋狂日子幾時先會完?」 同樣愛跑步又有仔女嘅胡諾言留言問喺邊度買?亦有新加坡朋友留言問佢點解要重裝上陣?譚俊彥回答自己日日跑步都有戴口罩，對方即叮囑佢要量力而為。