頂級配頂級 – Rolls Royce Phantom x Hermes

Rolls Royce原本已經係一部性價比都十分離地嘅量產豪華房車品牌，最近仲同名媛必備手袋品質Hermes聯承，推出一部Phantom Oribe Hermes版本。而呢部車無論係車身顏色同內飾都係經過兩間公司嘅設計師一齊合力製作出嚟。全車用上日本古董Oribe瓷器上綠色同奶油色釉配搭，相信有買開Hermes嘅女仕都會對呢兩隻顏色嘅手袋表示心心眼，如今放到一部車上，無論車主同乘客席嘅女主人都會十分鍾意。而其實今次呢部車係受到日本企業家前澤友作委託製造，目的係想擁有一部「陸地噴射客機」。有錢，果然係可以好任性。